- zaki dz
- عدد المساهمات : 2403
السٌّمعَة : 0
تاريخ التسجيل : 03/07/2014
العمر : 26
لبراج شاوية بطريقتي لاااااااااا تضيعوووووووو الفرصة
الجمعة ديسمبر 05, 2014 6:21 pm
السلام عليـــــــــكم سيدات المنتدى
سلامي لكل من تفضلت لموضوعي المتواضع وان شاء الله يكون مفيد للــكل
راح نوريلكم طريقة عمــل لبراج وخاصة للمبتدئات ويارب يعجبوكم وتجربوهم بإتباع الطريقة الآتيــة :
بسم الله >>>>>>
انا كيلت بـــ بول نتاع الفلون عادي لي في الصورة
6 كيلات سميد من النوع الممتاز ماشي خشن وإنما يكون رطب
2 سمن ذايب أو زبدة انا فضلت زبدة ستار حطيها في كاسرونة تذوب على نار هااااادئة وخليها تذوب على مهلها راح يتبخر منها الماء قليلا وطفي خليها ترتاح بجهة راح ينزل الحليب لي فبها تحت
إضغط هنا لرؤية الصورة بحجمها الطبيعي. |
نرجوعوا للعجين نديرلوا الملح حسب الحاجة ونخلط ،،، بعد ماتبرد الزبدة نكيل 2 كيلات ونصبها على السميد لكن حذاري يكون فيها الحليب يعني لازم كي نصبوها على السميد مايهبطش الحليب لي يكون فيها مانديروش
قولي بسم الله وابداي تخلطي وتحكي بالايدي هذه المرحلة تسمى تبساس السميد نديرولوا غير الزبدة والملح فقط ونبقى نحك بالايدي ونحركوا بالأصابع حتى تكون جميع الحبيبات مشبعة بالدهون ،،، نشرحوا في القصعة ويكون مرمل ماتكدسوش يإيدينا عير بالاصابع برك ونغطيه بصينية أو أي حاجة
ونخليه يبات ليلة كاملة يرتاح وتدخل الدهون للحبيبات هكذا باش يجي بنين اكثر وأكثر أحسن من أننا نديرلوا الماء ونخليه يبات تجربة مضمونة
إضغط هنا لرؤية الصورة بحجمها الطبيعي. |
________________
الغرس كل واحد وذوقوا ديرولوا واش تحبي بالنسبة لي (( الكمية لي درتها 800غ + م ص قرفة + 4 اعواد قرنفل مرحية + 2 م ك جلجلان محمصة ومرحية + 3 م ك جلجلان محمصة حب )) وإذا متوفر عندك الجوز مرحي ديريه راح يعطيلو مذاق هايل
_______________
في الغد رجعت للعجين وحضرت كيلة ماء بارد ( الكيلة لي كيلت بيها السمين والزبدة )
اولا قبل مانحط الماء على العجين أخذت كمشتين من العجين وهو مرمل ومبسس حطيتوا في صحن من بعد نقولكم علاه
هاهو السميد مرمل
نبدا بالمقــادير للعجينة والطريقة في آن واحــد حركت شوي العجين باصابع يدي وحكيتو شوي
ودوركا بديت بلم العجين حطين نصف كمية الماء لي عندي وبديت غير نحرك فيه بالاصابع فقك ماستعملتس كف اليد لوكان نستعمل كف اليد ونكدسو في يديا راح يورحلو البسوس وانا نحبوا مبسس وطري من بعد كي يطيب
إضغط هنا لرؤية الصورة بحجمها الطبيعي. |
ونخلط العجين بالخف كيما قتلكم بالاصابع وباليدين الاثنين ،،، انا يد تخلط ويد تصور أسمحولي إذا مكانش واضحلكم ،،، لكن راني بينت بالاسهم نخلط بكلتا اليدين دهابا وإيابا راح يبقى عندنا مرمل شويا نحط كمية في يديا ونفوتها من خلال اصابع اليد (( كيما كي نلعبوا بالرمل )) هنا راح نحللو اكثر ومايتكدسش
إضغط هنا لرؤية الصورة بحجمها الطبيعي. |
هنا درت نصف كمية الماء وخليتو يرتاح 15د وشرحتوا على القصعة
من بعد رجعت درت نصف كمية الماء الباقي وزدت عله شوي لان السميد لي درت بيه يشرب شوي وعلى حساب السميد لي ديري بيه قادر تحتاجي ماء بواف وقادر شويا ،،، لمي العجين بالشوي وماشي بكف اليد ومايتعجنش لازم مايكزنش معجون غير نلموه
ونقسمو قسمين وحدة اكثر من وحدة ((( الصغيرة هي لي راح نحلوها الاولى )))
___________
دوركا طريقة العمل
حضرت لوحة دائرية ويمكن ديري كرتون دائري الشكل ،،، فوقها بلاستيك وناخذ العجين القسم الصغير نديلو شوي من السميد المرمل لي حطيتو قبيل في الصحن ندير منو شوي على ظهر العجين ونحطو على البلاستيك ونيسطوا باليد ومن بعد بالحلال ،،، حليتو على قيس الدائرة ماشي كبيرة بزاف
إضغط هنا لرؤية الصورة بحجمها الطبيعي. |
بالنسبة للغرس ،،، فوق البلاستيك نصب كمية قليلة من الزيت باش تسهل عليا عملية الحل ،،، نحل الغرس بسهولة ونحطو فوق قرصة العجين لي حليناها نحاول نخلي سمك الغرس والعجين قد قد
القسم الكبير من العجين نحلو أيييييييضا فوق بلاستيك بالحلال على قد الدائرة ونحطو بالشوي ،،، وهاهي واجد عندي لازم نعدلها ونسويها على السطح ومن الحواف أيضا يالايدي فقط ،،، نحط من السميد المرمل فوق القرصة نتاعي ونفرك من فوق بشكل دائري على كل مساحة القرصة نتاعي وفي نفس الوقت راني نسوي في سطح القرصة ويكون مستوي
إضغط هنا لرؤية الصورة بحجمها الطبيعي. |
إضغط هنا لرؤية الصورة بحجمها الطبيعي. |
الآن قلبي القرصة فوق طاولة انا قلبتها فوق مائدة ،،، خفي يدك واحكمي من البلاستيك لي تحت واقلبي بحذر لاتروحلك القرصة
إضغط هنا لرؤية الصورة بحجمها الطبيعي. |
الان القسم الصغير من العجين رجعتو لفوق والكبير كي قلبتها رجع لتحت ،،، لان بعد كي نحلها بالحلال الجزء السفلي لي راح يرقاق بزاف عليها درتلو العجين كبير على الآخر وهكذا راح يجيني لبراح نتاعي الطبقات الكل كيف كيف
نحط الحلال في الوسط ونلحها من النصف الى فوق ومن النصف تحت ومن اليمين لليسار وهكذا حتى تتوصلي للسمك لي تحبيه ،،،
إضغط هنا لرؤية الصورة بحجمها الطبيعي. |
ناخذ باقي السميد المرمل نوزعوا على القرصة ونفرك ملييييح بشكل دائري أفركي وأفركي
إضغط هنا لرؤية الصورة بحجمها الطبيعي. |
يتبببببببببببببببببببع
>>>>>>>>>>>>>
بعد ساعة ،،،حضرت شريط كرتوني 4 سم حبيتهم يكونوا صغار وانت والرغبة نتاعك المهم يكونو الحبات كيف كيف + سكين حاد غير مسنن
[
إضغط هنا لرؤية الصورة بحجمها الطبيعي. |
عيني الخطوط برك بالخفيف بالسكين ،،، كي خلصت قطعت الحبات ،،، ننقولك برك لما تقطعيه ماتدخليش السكين كامل لازم غير الرأس برك كيما في الصورة باش مايفسدوش الحبات وهو كي تخليه يرتاح ساعة وخاصة في مكان بارد شوي راح يجيكم سهل للتقطاع والحبات متحووووووفين روعة
[url=http://www.gulfup.com/?F5eH03]l]
ها انا قطعتهم وخلصت نزعت الحواشي خليتهم بجهة شوفوا كيفاش الحبات كليها كيف كيف والطبقات أيضا نزيد نتحف حواف الحبة بالسكين يعني ملستها
[][/
حطيتهم في صينية وزدت خرجتهم للحوش ومغطيين بالبلاستيك خليتهم حوالي ساعة ولا ماوصلتش ،،، راح يكونوا سهلين في الطياب
[T]
إضغط هنا لرؤية الصورة بحجمها الطبيعي. |
سخنت الطاجين على نار متوسطة ماشي قاوية وطيبتهم عادي في طاجين الشخشوخة
هاهم لبراح نتاعي وياااااااارب تعجبكم طريقتي وتجربوهم بإتباع ماقلت ،،، قولولي رأيكم بصراحة مليح ولا قبيح هههههههههههههه أسيدي شكر برك منكن ،،، شكرااااااا
[img][[/img][img]
[/img]
- mohpsg
- عدد المساهمات : 173
السٌّمعَة : 0
تاريخ التسجيل : 24/08/2014
رد: لبراج شاوية بطريقتي لاااااااااا تضيعوووووووو الفرصة
الجمعة ديسمبر 05, 2014 6:53 pm
- Moh Lartisto
- عدد المساهمات : 1860
السٌّمعَة : 0
تاريخ التسجيل : 18/12/2014
العمر : 26
الموقع : منتدى منبر التعليم
رد: لبراج شاوية بطريقتي لاااااااااا تضيعوووووووو الفرصة
الثلاثاء يناير 27, 2015 12:26 am
شكرا لك
- Moh Lartisto
- عدد المساهمات : 1860
السٌّمعَة : 0
تاريخ التسجيل : 18/12/2014
العمر : 26
الموقع : منتدى منبر التعليم
رد: لبراج شاوية بطريقتي لاااااااااا تضيعوووووووو الفرصة
الخميس يناير 29, 2015 9:08 pm
شكرآ لك
صلاحيات هذا المنتدى:
لاتستطيع الرد على المواضيع في هذا المنتدى