قصيدة : بسم الله يا خالقي ناشئ الأرواح

الأربعاء يوليو 02, 2014 5:12 pm

إلى روح أمي الطاهرة رحمها الله:

--

بسم الله يا خالقي ناشئ الأرواح *** يا المولى الحنّان كنز الأكواني

راني نطلب فيك كل مسا و صباح *** تغفر لي للوالدة با سلطاني

حدة بنت عيسى لي كانت مفتاح *** زهاية عمري على شاو أزماني

رباتني على الطهارة و الصلاح *** حمرت وجهي عند الضيف اذا جاني

اصبر يا قلبي العز عليا راح *** ما عدنا نرى قرة الأعياني

رحنا ليها في المقابر يوم التصباح *** ناديناها

بعد ما كنت صحيح نطفولي الأجراح *** من الثوب لي كان دافي عراّني

جرح الأم صعيب فايت كل الأجراح *** خلاني مثل الجايح حيواني

وحش الوالدين كنز لا يتلاح *** لي فرط فيه يبقى جيحاني

الا جات في المال نعطي سبع ألقاح *** يجوني الأحباب جملة بالفاني

نخير من العرب فرسان أملاح *** يردوك قبال الأقصى و الداني

نديرلها فدوى تكون على الصلاح *** نسلكها خدمة على طول أزماني

البارود ينين من عند الكسّاح *** للي مفهومين ضد العدياني

الله غالب جاء أمر لا يتلاح *** ما ينفع لا مال ولا عوّاني

ما خلاّ حيدر و أصحاب الكفاح *** ما خلاّ النبي طه العدناني

الدنيا جاتو تلاقي بالتبراح *** مهدية ليك باذن الرحماني

قال لها ما فيك رغبة لا صلاح *** يوم نزهى بيك نرجع للفاني

عمري يفنى و القبر عني برّاح *** اذا انا ننساه هو ما ينساني

الصفة لي كانت مليحة تقباح *** يطيحو الأضراس مع الأسناني

روح من عندي و سال على الجياح *** حواسين عليك ظاهر و خفياني

مادامت كاثرة و أموالو تسرح *** ما يبقى في الليل يمشي حفياني

ما تبقى لا طايرة و لا زحزاح *** ما يبقى قليل ولا عمياني

ما يبقى من شاد أحكامو يفرح *** لابد ياتيه يوم الأحزاني

يلاقي مولاه في حالة تقباح *** بيه الرشوة و الفرائض نسياني

وين لي دارو سرايا التسطاح *** خدمة و توزاق بر و دخلاني

وين لي كسب الذهب غالي يوضاح *** ماذا دارو خدّام حر و وصفاني

وين لي ربّى أزواج و فلاّح *** اذا جات الصابا يعشي زهواني

وين لي رفضوا المحاصل من الأقراح *** القيطان يشالي بشوف الأعياني

هاذ المذكورين جملة حي و لي راح *** مسكنهم تحت الرمل السفلاني

و لي ساعف الخلايق و نصّاح *** من الدنيا ندو قطعة الأكفاني

قرعة ريحة يديروها تكفاح *** ما فيها لا دين و لا عصياني

ربي وصانا بالامر لي يوضاح *** اتهلاو في الدين ولا نسياني

لي فرط فيه راه من الجياح *** لا فرق بينو و بين الحيواني

هاذ الشي مسبوق سابق في الألواح **** من آدم إلى آخر زماني

بابايا و الأم دايرهم مفتاح *** الصبر المتين يفني الأحزاني

ذكر الله هو لي فيه الفلاّح *** لي تشوق فيه ينفي الشيطاني

محمد جيناه بالناس الصلاّح **** يطلب في الاله حال الغفراني

أنا و المومنين في الجنة نرتاح *** أمة الرسول حر و سوداني

يا ربي بجاه طه بو الأرباح *** نجينا من يوم صهد النيراني

أرحم يا ربي لي قال على الاشعار *** اغفر له و للوالدة و الاخواني

.
.
.
.
. و سلامتكم ...........حفظ الله امهات المسلمين و اطال الله اعمارهن
.
.
.اللهم آآمين يا رب العآآلمين