حمام بلا وكار

جَنْبْ ضَيْعَة خضرة و جْنانْ و غلَّة


تحت ضَوّ الشمس وظل النخلة


سْرَحتْ حمامي الِّي طار و عَلَّى


بَدَّلْ وْكَارُ و عند لعدو بات يَتْفلَّى


في قلبي و قلبُ جَرْحْ كبير حْفَرْ و خَلّى


وردة حمرة بلباس جديد تباهى و تبان لي كحلة


في عزّ الگَايلة و حرون تحرام فيها الطلَّة


سقاتني ميمة حنينة من ميهات الگُلَّة


قالت كيف طْرَى و جْرَى في ديك النحلة


خلَّات الزهرة و عسل الشهدة الحرّة


سخات بحبيب كان ليها ونيس على ضوّ الگَمرة


رواها حليب سقات حَدْجَة مرَّة


هداها قصر رماتُ في حفرة


ميمتي لله خلِّني نخلِّ لِّي قلبُ ثلج


يجرح و يداوي في قلوب حنينة بلا بنْجْ


خَيْطُ خَيْطْ السدَّايَة ولّفْ إِنَجّ


يمشي و بمقامي يرجع إحجّ


بوجه مبشور نرحّبْ وخا قلبي يَنْهجْ