في غياب ولفي بقلمي

قصيدة : في غياب ولفي

بقلمي : ساسفة احمد





يوم 18-06-2014





كل ماسلتك بسوالي نحتار وكل ما تجاوبي تزيديني حيره

غرامك راه شاعل فيا نار هاذ النار شاعلة بحطب الغيره

انا مانيش فالحب سمسار حبيتك بصدق حافظ ذ السيره

حبي صافي بلا حيل غدار لاعمري ستنيت مالحبيب غدره

كنعشق مانعرف نحط شفار باليني حبك بتمحان السهره

علمني حبك انظم لشعار شعري بيات تغازلك بوفره

علمني بالدمعة نصنع احبار تكتنب اسمك كتنزل بالقطره

ولفي يامنه حمامة لوكار تركتني وعلاش قولو ياحضره

طال غيابها ماجات خبار ماجا مرسول مابانت ذ الفتره

ياقمري طيرلها دير مشوار قولها كيف ليام في بعدك مره

راني سقيم دركتني لضرار رايد نشفى انا بشوفتك نبره

لابيك غيض طبعي مغيار لاتخلي الغيض يهدم العشره

ولفي يامنه الزين المسرار ياقنديل ليلي ك تغيب القمره

يا ولفي غرامك علي ثار خاطري نشوفك لوكان بنظره

عودي و نعود عواد وتار نعزفلك القصيد لنال الشهره

نسهرو على شموع ونوار يدي و يدك متهامسين بستره

يحكو واش لي فينا صار لو بقينا خصام واش لي يصره

و عيونا باقيه في تحسار رايده تتعانق ماصابت طيره

دمعة بالعين تبرق كالبلار رايدة تقولك نحبك بالكثره





تمت باذن الله